கற்பனையாய் ஒரு சுமை

சில்லென தென்றல் முகம் வருட
தோளோடு தோள் உரசி
கைகோர்த்து நடந்த
ஒரு மாலைவேளையின் நினைவுகள்...

பக்கமாய் அமர்ந்திருக்கையில்
சுவாசத்தின் வெப்பம் என் மேல் மோத
உன் வசமிழந்த நிமிடங்கள் ...

வியர்வையின் கசங்கலாய் சட்டை பிடித்திழுத்து
மார்பில் முகம் புதைத்து
ஈரத்தோடு காதலையும் உள்வாங்கிய
ஈரமான மணித்துளிகள் ...

நீ விரட்ட
நான் விலக
என்னை இழுத்தணைத்த
கற்பனை பொழுதுகள் ...

இப்படி பல்லாயிரம் கற்பனைகளோடு
உன்னையும் சேர்த்து சுமக்கிறேன்
என் நினைவில் நீ தடம் பதித்த நாள் முதலாய்...