தெய்வீக காதலிது

காதலிப்பதாய் கூறி
என் சுட்டுவிரல் கூட தீண்டியதில்லை
ஆசை மொழி பேசி
எனை வெட்க படவைத்ததில்லை
பரிசுகளால் எனை
திக்குமுக்காட செய்ததில்லை

கண்களுக்கு புலப்படா
நம் மன பரிமாற்றங்களிலேயே
என்னுள் வெட்கம் பூக்க செய்கிறாய்
உன்னோருவனின் கரம் பற்ற
வாழ்நாள் முழுதும் காக்க செய்கிறாய்

உன்னை காணாத போதும்
கலையாத கனவிது
நீ அணைக்காத போதும்
அணையாத நெருப்பிது

மனதினில் உறைந்த நீ
மைல்கள் தாண்டி இருக்கிறாய்

மனதில் இணைந்து
உணர்வுகளில் ஒன்றி
என்னில் நீயும்
உன்னில் நானும்
வாழும் நம் தெய்வீக காதலிது.!!