தவ நெறிப் பிரியங்களே போற்றி!!

வாழ்வனைத்தும் தவயோகமாய் மாற்றும்
தவ நெறிப் பிரியங்களே போற்றி!!

புகையென படர்ந்திருக்கும் பொய்மை விலக்கி
உண்மை நிலைகள் உணர்த்தும்
யோக நெறிப் பிரியங்களே போற்றி!!

இலக்கறியாமல் வலியோடுழலும் மனதிற்கு
வலியனைத்தும் வழிகளாய் மாற்றும்
வசந்தப் பிரியங்களே போற்றி!!

ஓம் நமோ பகவதே !!
ஆனந்தமயி சைதன்யமயி சத்யமயி
பரமே!!

அன்னை துதி

பிரபஞ்சத்தின் கருனை வடிவான
சத்திய ஒளிப்பிழம்பே போற்றி!!

இருளென சூழ்ந்திடும் மனக்குழப்பம் நீக்கி
தெளிவு தரும் திவ்ய சாநித்யமே போற்றி!!

நல்லோர்கள் வழி நயவஞ்சகர்களை

அடையாளம் காட்டும் அன்னையெனும் திருவே போற்றி!!

வலிமிகுந்த நேரங்களில் வழி இது தானென நெறிபடுத்தும்
நிர்மல தேவி போற்றி!!

ஸ்துல உடல் நீத்து பொன்னொளிப் பிழம்பாய்
"மதர்" என அழைக்கும் மறுநொடி ஏதொ ஒரு வடிவில்
நானிருக்கிறேன் என்று மனஅமைதி தரும்
ஆனந்தக்கடலே போற்றி!! போற்றி!!

ஓம் ஆனந்தமயி!! சைதண்ய மயி!! சத்யமயி பரமே!

அன்னை துதி

வெற்றிகள் வழி சந்தோஷங்கள் தரும்
சக்தியின் வடிவே போற்றி !!

நிலையான செல்வங்கள் வழி
நிம்மதி தரும் திருவின் வடிவே போற்றி !!

எந்நாளும் அழிவில்லா ஞானத்தில்
தெளிவு தரும் சகலகலா வல்லியே போற்றி !!

தன்னியல்பு நிலை மாறாமல்
தடைகள் அகற்றும் மகேஸ்வரியே போற்றி !!போற்றி!!

அன்னையே நின் பொற்பாத கமலங்கள் பற்றுகிறேன் போற்றி !!
ஓம் ஆனந்தமயி சைத்தன்யமயி சத்யமயி பரமே..!!