சொந்தமுகம் தேடும் நான்

மகள்,
அக்கா ,
தங்கை ,
தோழி ,
மனைவி ,
தாய் ,
பாட்டி ,

இத்தனை முகங்களில்
எது என் சொந்த முகமென
தேடித் தேடி
முகமூடிக்குள் புதைந்து போகும் நான்
யார் ???

வாழ்வே மாயை

இளங்காலை சிவப்பாய்

பகற்பொழுதில் வெள்ளியிழைகளாய்

அந்தியில் பொன் மஞ்சள் ஒளிக்கீற்றாய்

இரவினில் அடர்நீலமாக

நித்தம் நம் கண்களுக்கு மாறும் வான்பரப்பு
உணர்த்துகிறதே

இவ்வாழ்வும் அதுபோலொரு மாயையென